171 -
		Array
(
    [0] => Array
        (
            [img] => culture1.jpg
            [url] => 
        )

)
	
School Video

Nasionale toneelspelkompetisie

Geskiedenis:
Die Hoërskool Bellville bied sedert 2002 ‘n nasionale toneelspelkompetisie vir hoërskoolleerders aan. Die afgelope paar jaar het die kompetisie bekend gestaan as die Stad Kaapstad Toneelspelkompetisie.

kykNET is vanaf 2013 die hoofborg en die kompetisie staan nou bekend as die Nasionale Toneelspelkompetisie.

Leerders vanaf graad 8 tot 12 neem individueel deel en nie as deel van ‘n dramaproduksie nie.  Na uit-dunrondtes regoor die land word 60 kandidate gekies om in Mei aan die finale vier rondtes in die Kunstekaap Teater in Kaapstad deel te neem.

Die doel van die kompetisie is om aan individue die geleentheid te bied om hulle talente te meet aan dié van ander leerders van regoor die land en ook om hulle kreatiwiteit uit te lewe. 
Behalwe die geldpryse word ‘n kandidaat deur “Binneland” se rolverdelingsregisseur gekies vir ‘n verskyning in die sepie “Binneland” op kykNET.  Die SAOU (Wes-Kaap) gee ook ‘n beurs aan ‘n gr. 12-kandidaat wat drama gaan studeer met die oog op ‘n loopbaan in die onderwys.

Prestasies:
2009: Rebecca Cameron, Top 16.
2013: Kieran Schultz – Beste Junior, 3e plek.
2015: Liam Walsh – WENNER!  (Liam het kontantpryse, ‘n trofee, sowel as twee rolle in ‘n RSG-radiodrama losgeslaan!).

Aktiwiteite gedurende die jaar:
Inskrywings sluit in Februarie en daarna begin die repetisieproses. Uitdunrondtes vind gewoonlik gedurende April plaas en rondte 1,2,3 en die finale rondte vind elke jaar in Mei by die Kunstekaap-teater plaas.

Ideale:
Die kompetisie is ‘n uitstekende blootstellings-geleentheid vir leerders met talent en passie vir toneelspel, veral indien hulle belangstel om

dit as ‘n loopbaan voort te sit. Daar is verskeie geleenthede om gedurende die kompetisie oudisies af te lê en die kans te staan om rolle los te slaan in toneelstukke, radiodramas en selfs televisie.

Hoe om deel te neem:
Leerders word ingeskryf met behulp van ‘n keuringsproses deur die hoof van die Drama-departement; juf. A van Zyl. Geen oudisies word gehou nie.

Kontakbesonderhede:
Me. A. Van Zyl
avanzyl@pvallei.co.za

 

     
     

 



Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013