57 -
		Array
(
    [0] => Array
        (
            [img] => onsskool.jpg
            [url] => 
        )

)
	
School Video

Mr. Schenck

Boodskap van die Skoolhoof

Die Hoërskool Parel Vallei, geleë in die pragtige wynlande aan die voet van die Helderberg, is ‘n gemengde dubbel-mediumskool wat hom stewig gevestig het as ‘n leier in die Wes-Kaap.

Die uitstekende akademiese rekord van die skool word bereik deur harde werk in die klaskamers waar onderwysmetodes die leerders uitdaag en hoër denkvlakvaardighede ontwikkel word.  Die vaardigheid om onafhanklik te dink en te werk het voordele verder as die klaskamer en oudleerlinge van Parel Vallei kan spog met ‘n buitengewone suksessyfer by tersiêre opvoedkundige inrigtings.

‘n Sterk Christelike etos onderskryf die skool se filosofie van Liggaam, Gees en Verstand en kweek ‘n omgewing waar alle kulture en godsdienste gerespekteer word.  Goeie maniere, respek en dissipline is die hoeksteen van ‘n morele samelewing en is ‘n integrale deel van die struktuur van Parel Vallei.

‘n Gebalanseerde opvoeding word verkry deur ‘n steeds uitbreidende sport-en kulturele program wat vaardighede aanleer en talente ontwikkel in ‘n area wat spanwerk, sportmanskap, verantwoordelikheid, deursettingsvermoë en nederigheid aanmoedig.  ‘n Wye verskeidenheid aktiwiteite word aangebied en daar word van alle leerlinge verwag om betrokke te raak.

Parel Vallei is ‘n goed toegeruste skool met rekenaars in elke klaskamer wat met moderne media-toerusting onderwysers en leerlinge die geleentheid bied om met die beste praktyke en bronne wêreldwyd te verbind.  Moderne laboratoriums, ‘n nuwe blok klaskamers en splinternuwe kombuise voltooi die fasiliteit wat trots aan die voorpunt van opvoeding in ons land staan.

Toelating to Parel Vallei geskied deur ‘n streng, maar regverdige beleid wat objektief deur ‘n groeiende aantal aansoekers sif.

Ons visie “Uitnemendheid in ‘n veranderende wêreld” vereis dat ons vashou aan die goeie uit die verlede en voortgaan om aan te pas soos ons na die toekoms beweeg.

Ons is trots op ons leerders en hulle is trotse Parel Valleiers!

 



Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013