123 -
		Array
(
    [0] => Array
        (
            [img] => body.jpg
            [url] => 
        )

)
	
School Video

Tennis

Geskiedenis:

 

 

 

 

 

Parel Vallei het die afgelope tyd uitstekende uitslae gelewer op die tennisbaan en Parel Valleiers het rede om opgewonde te wees oor tennis by die skool.

PV se tennis word gekenmerk deur absolute spangees, pret, entoesiasme en nasionale en internasionale prestasies. ‘n Bekende tennisspeler wat PV al opgelewer het,  is Nannie de Villiers, wat op internasionale vlak tennis gespeel het.

Seuns en dogters van alle ouderdomsgroepe geniet elke tennisseisoen dié sport op die skool se ses tennisbane.

PV se tennis groei ook elke jaar en tans is daar tien tennisspanne ingeskryf in die Sentraal Boland -Tennisliga.

Meer onlangse prestasies:

 

 

 

 

 

 

 

 

 

2014 – PV wen die tennis-interskole teen Strand Hoër.

2015 - PV se junior span is onoorwonne by Bredasdorp in die dubbelspeltoernooi.

2016 – Die junior seuns het deelgeneem aan ‘n uitnodigingstoernooi by Boland Landbou waar spanne van regoor die land deelgeneem het.  Hier het hulle die gunstelinge, Paarl Gimnasium, geklop en ook afgereken met die hoogaangeskrewe Hoërskool Stellenbosch.  Met dié oorwinnings het hul deurgedring na die finale uitkloprondtes, waar hul naelskraap verloor het teen Hoërskool Menlopark.

Die junior en senior spanne van Parel Vallei het by die jaarlikse Interskole-kragmeting teen Strand Hoër weereens oortuigend gewen met ‘n totaal van 34 wedstryde teenoor 14.  Dit is die tiende agtereenvolgende jaar wat Parel Vallei die Interskole tenniskragmeting wen!

Ons is ook baie opgewonde oor die feit dat EDGE Tennisakademie van die begin van hierdie jaar deel van die tennissamestelling by Parel Vallei is. Hierdie akademie, wat reeds baie welslae behaal het met hul program by verskeie skole, help met die voorbereiding van die spanne by die skool en bied ook die geleentheid vir privaatafrigting vir leerders na-ure.  

2017 – Die resultate van die volgehoue afrigting deur EDGE Tennisakademie is duidelik sigbaar in ons spelers se spelpeil. Harde werk gedurende die oefensessies lei tot verhoogde vlakke van mededinging.  Ons  eerste seunsspan kompeteer nou in die eerste liga en ons sien uit daarna dat ons dogters ook binne die afsienbare toekoms op dieselfde vlak kan meeding.

Twee van ons seuns, Gerard Pieterse en Leonard van Schalkwyk, is gekies vir die Boland 0.17A –span.

PV weet beslis hoe om reg af te slaan en met sulke sterk spanne wag daar definitief nog baie uitklophoue in die jare wat kom…

Aktiwiteite gedurende die jaar:

Elke jaar gedurende Februarie word daar deelgeneem aan die tennistoernooi in Bredasdorp vir die senior spelers en die juniors neem ook in Oktober deel aan dié toernooi.  PV se junior seuns vorm (per uitnodiging) deel van die Boland Landbou-toernooi in Februarie en tennisspelers neem ook deel aan die kursusse wat die EDGE Tennisakademie aanbied. Ons top juniors neem deel aan ‘n uitnodigingstoernooi by Hoërskool Stellenbosch in die vierde kwartaal.

Liga wedstryde word gespeel in die eerste en vierde kwartale.  Alhoewel die tweede en derde kwartale nie tradisioneel tenniskwartale is nie, oefen ons topspelers steeds twee keer per week onder leiding van die EDGE Tennisakademie.

Tennis is dus ‘n heeljaarsport by Parel Vallei.  Spelers wat ernstig is oor hul tennis sal hier by Parel Vallei dÍt kry waarna hul soek – baie tennis!

Ideale:

Ons streef daarna om in die toekoms die sport nog meer uit te bou by Parel Vallei en kompeterend mee te ding in alle ligas.

Ons beoog om in samewerking met EDGE Tennisakademie professionele afrigting vir ons spelers te bied, om sodoende die vlak van tennis wat by Parel Vallei gespeel word, konstant te verhoog.

Verhoogde deelname aan toernooie dwarsdeur die jaar is vir ons ‘n mikpunt.

Kontakbesonderhede:

Hoof van tennis:

Me Estelle van Wyk  

evanwyk@pvallei.co.za

  

 

 

   



Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013