124 -
		Array
(
    [0] => Array
        (
            [img] => body.jpg
            [url] => 
        )

)
	
School Video

Atletiek

Atletiek was nog altyd een van Parel Vallei se sterkste sportsoorte.  Ons moedig ons leerders aan om almal deel te neem aan die aktiwiteit en hulle sporttalente ten volle te ontgin.

‘n Mens kan die BLOU PV-DRAAD van uitnemendheid raaksien in die prestasies van verskeie PV-atlete wat die WP en Boland verteenwoordig het en selfs al medaljes by SA-kampioenskappe gewen het!

Vandat Parel Vallei deel geword het van die driehoekige atletiekinterskole tussen die Hoërskool Hottentots-Holland en die Hoërskool Strand, het ons alreeds die Interskole 11 keer gewen!

Verskeie atlete van Parel Vallei het ook al medaljes verower by nasionale kampioen-skappe.  Daar was onder andere:  Gareth Roelf, Carissa van Beek, Megan Robertson, Giovanni Matthews, Gerhard Eckley en Georgia Channon.

Daar word jaarliks deelgeneem aan verskeie atletiekbyeenkomste soos:

  • die Interskole tussen die Hoërskool Hottentots-Holland, die Hoërskool Strand en PV.
  • Sentraal-Boland, Boland, Wes-Kaap, Top-tien in Moorreesburg, Paul Roos uitnodigingsbyeenkoms en die Craddock Top tien-atletiekbyeenkoms.
  • Ons bied elke jaar voor Interskole ‘n afrigtingskamp aan met top afrigters om ons atlete af te rig.  Hulle sluit in: Kai Preller, Megan Robertson, Joepie Loots, Llewellyn Wahl, Jacques Breitenbach, Wimpie Burger en Mossie Mostert.

Ons onderneem nou ook jaarliks ‘n toer na Cradock om deel te neem aan hulle Top tien-atletiekbyeenkoms.

Die Parel Vallei atletiekbestuurspan streef daarna om soveel moontlik leerders te kry om deel te neem aan atletiek om hulle optimaal te laat ontwikkel.  Daar word beoog om binne 5 jaar deel te neem aan die landswye Top tien-atletiekbyeenkoms – ‘n doelwit wat defnitief haalbaar is met sulke skitterende atlete soos wat net PV kan oplewer!

Hoof van atletiek:

Me Eunice Kets: sport@pvallei.co.za

 

 



Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013