127 -
		Array
(
    [0] => Array
        (
            [img] => body.jpg
            [url] => 
        )

)
	
School Video

Hokkie

1ste DOGTERS SPAN – 2017

1ste SEUNS SPAN – 2017

GESKIEDENIS:

Dit is alombekend dat Parel Vallei uitstekende hokkie oplewer en dis voorwaar een van PV se sterk punte waarop ons baie trots is.

Die rede vir dié hokkiesuksesverhaal het baie te make met die konstante liefde en ywer waarmee die sport gedryf word deur me Kets en mnr Traut wat onderskeidelik al meer as 28 en 11 jaar by die skool werk.  Me Kets speel self nog aktief hokkie in die Meestershokkiespan van Somerset-Wes en het ook al naam gemaak op provinsiale vlak.

Parel Vallei se sportvelde bied ook meer as genoeg geleenthede vir leerders om te presteer.  In 2012 is ‘n astro-baan voltooi met die hulp van mnr Andy Mallett en die ouerhokkiekomitee.  PV was ook die heel eerste skool in die Helderberg-kom wat ‘n astro-baan aan sy leerders gebied het!

Seuns- en dogtershokkie word al vanaf die skool se beginjaar aangebied en binne enkele jare het dié sport gegroei tot 30 spanne.

PV ding mee op top hokkievlak in slegs meer as 30 jaar en dis wondelik om te weet dat PV-hokkie net kan voortbou op só ‘n soliede basis.  Mag die konstante goeie uitslae slegs die begin wees van die BLOU PV-DRAAD wat strek tot op die hokkieveld.

ONLANGSE PRESTASIES:

Parel Vallei se dogterspan was die eerste wenners van die Chris Brothers Internasionale toernooi wat jaarliks in Kaapstad aangebied word.  Hulle het in die 2de jaar van dié toernooi ook die kompetisie gewen en is jaarliks sterk aanspraakmakers om die kroon.

In 2015 het die 0.19A-dogters die Elsie Coetzer-toernooi in Bloemfontein gewen.

Parel Vallei se dogtersspan het in 2016 ook vir die eerste keer deelgeneem aan die Kingswood College-fees.  Hulle het dié fees onoorwonne afgesluit!  Hulle spog ook weer met deelname aan die Wes-Kaap Sparuitdaagtoernooi vir dogters, en het vir die 2de jaar onder die Top 8 skole geëndig.

Parel Vallei se seunspan neem ook jaarliks aan toernooie deel.  Hulle speel elke jaar in die die Chris Brothers Internasionaletoernooi en het onder andere die Fairmont-toernooi in 2016 gewen!

Verskeie buitelandse toere is al deur Parel Vallei se seuns- en dogterspanne onderneem, onder andere na: Zimbabwe, Engeland, Skotland, Wallis, Duitsland, Frankryk, Switserland en Holland.

Verskeie spelers het al nasionale kleure verwerf in hokkie:

Robynne Jacobs (0.16, 0.18)
Megan Robertson (0.18 en 0.21)
Louise Wentzel (0.18)
Salome Engelbrecht (0.18)
Tatum George (0.16)
Trudy Lambrechts (0.16)
Samantha Sandham (0.18)
Pippa Rabey (0.18, 0.21 en senior)
Jade Mayne (0.16, 0.18, 0.21 en senior)
Alegra Dijkstra (0.18 en 0.21)
Chris Hawkridge (0.18 en 0.21)
Rebecca Kaps (0.16 span)

AKTIWITEITE GEDURENDE DIE JAAR:

Elke jaar word ‘n 0.13- en 0.14-hokkiekamp vir dogters gehou.  Ses spanne word genooi en hulle  ontvang topafrigting oor vier dae.  Spelers geniet die hokkiekamp geweldig baie en dis elke jaar ‘n hoogtepunt op die hokkiekalender.

PV se 0.19-hokkiespelers ploeg ook terug in die gemeenskap en verskeie klinieke word ook jaarliks aangebied vir laerskoolleerders, soos byvoorbeeld die afrigtingskliniek wat by Laerskool Beaumont aangebied word.
Daar word ook elke jaar ‘n skeidsregterskursus by die skool aangebied vir afrigters en spelers.

Gedurende die 4de en 1ste kwartale van die jaar vind “high performance”-afrigting plaas vir al ons hokkiespelers.  Die graad 7-leerders wat ingeskryf is by PV vir die volgende jaar word ook genooi om hierdie sessies by te woon.
In die afseisoen word ‘n “8-aan-‘n-kant”-toernooi aangebied vir alle leerders van die skool en binnemuurse hokkie word ook geniet deur spelers.

IDEALE:

Ons streef daarna om onder die Top-10 skole in die land te wees met ons dogter en seunspanne.
Ons beoog om voortdurend aan ons hokkiespelers die beste hokkieblootstelling te gee, sodat spelers tot hulle volle potensiaal kan ontwikkel om sodoende te kan kompeteer op topvlak en hulle individuele sowel as spandoelwitte te bereik. 

KONTAKBESONDERHEDE:

Hoof van dogtershokkie:
Me Eunice Kets
sport@pvallei.co.za

Hoof van seunshokkie:
Mnr Hilton Traut
htraut@pvallei.co.za

1 ste Hokkiespan – dogters 2016

Links na regs:
Jarred Pitout (afrigter), Carla Steyn, Liza Fortuin, Josefine Hjalmner, Shannon Barry, Samantha Smuts, Caitlin Odendaal, Shayna Rawson, Ashley de Villiers, Skye Boshoff, Mas’oodah Bazier, Rachel Kaps, Megan Kreft, Rebecca Kaps, Hayley Prinsloo, Patricia Potgieter, Jade Southon.

1ste Hokkiespan – seuns 2016

Links na Regs:
James Holmes, Coetzee Koegelenberg, Dillon Austin, Jannes de Necker, Andrew Lobi, Jean-Luc Bufé, Chad Brinkhuys, Nicholas Lobi, Riccardo Trenti, Christiaan Nieuwoudt, Matheu Quinn, Michael Ttrent, Matthew Wolmerans, Matthew Weideman, Hilton Traut (coach)



Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013