Parel Vallei High School

153 -

		Array
(
    [0] => Array
        (
            [img] => culture1.jpg
            [url] => 
        )

)

Koor

Geskiedenis:
Onder nuwe leierskap het die Kamerkoor (wat in Januarie 2014 gestig is) ontwikkel tot ons huidige koor.
Die koor bestaan uit 54 lede: 38 dogter- en 17 seuns-stemme.

Wie neem deel:
Dogters en seuns vanaf gr. 8 – 12.

Aktiwiteite gedurende die jaar:
• Stellenbosch Kunswedstryd
• Helderberg Eisteddfod
• Tree ook op by ander belangrike geleenthede soos benodig, bv.konserte, Opedae en prysuitdelings.

Ideale:
• Ons streef steeds na uitnemendheid in alles wat ons singende aanpak.
• Ons wil altyd trotse ambassadeurs vir Parel Vallei wees en deur ons sang die skool se naam hoog hou.
• Ons streef ook daarna om mense te inspireer en hulle harte aan te raak met ons sang.
• En natuurlik wil ons ook graag pryse wen!

Hoe om aan te sluit:
• Sangstudente word individueel deur die koorleier genader om aan te sluit.
• Indien enige vakatures ontstaan a.g.v. matrieks wat die skool verlaat, word oudisies aan die begin van die skooljaar gehou.

Bywoningsbeleid:
Oefentye: Maandae net na skool tot 15:15.

Kontakbesonderhede:
Koorleier: mev. J van Niekerk:
jvanniekerk@pvallei.co.za

Begeleier: mnr W Grundling:
wgrundling@pvallei.co.za

Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013