Parel Vallei High School

161 -

		Array
(
    [0] => Array
        (
            [img] => culture1.jpg
            [url] => 
        )

)

Redenaars

Geskiedenis:
Redenaars word al sedert 2 000 deur mnr. W. Steenkamp behartig. Daar neem tot 'n maksimum van 20 leerders deel. Ons neem jaarliks aan die ATKV se Redenaarskompetisie deel. Die afgelope paar jaar het ons gereeld 'n leerder(s) wat tot die semi-finaal of landwye finaal deurdring. Parel Vallei bied jaarliks die Wes-Kaap ATKV eerste rondte vir hoërskole en semi-finale rondte vir hoër- en laerskole aan.

Die jaarliks Toespraakaand, aangebied deur mev. M. Bredell, bied ook aan leerders van graad 8 – 12 van beide tale die geleentheid om hul openbare redevoering op te skerp.

Deelnemers aan die semi-finaal:
2008: Grethe-Maré Steenkamp, Arina Visser, Koot Kotzé
2010: Grethe-Maré Steenkamp, Rozanne Vos
2011: Jacque Gericke
2012: Jacque Gericke, Rozanne Vos
2014: Alex van Greuning, Zelmarie Barnard

Drie leerders het in 2014 aan die ATKV-debatskompetisie deelgeneem. Leerders neem ook vanjaar aan die Dink-of-sink-debat by die Hoërskool DF Malan deel.

Wie neem deel?
Enige leerder kan deelneem. Daar is kompetisies vir Afrikaans Huistaal en Afrikaans Eerste Addisionele Taal. Enige leerder (Afrikaans- of Engelssprekend) neem deel aan die jaarlikse Toespraakaand, waarna die Beste Junior, Senior Afrikaanse en Engelse spreker aangewys word.

Wat doen ons in Redenaars en Debat?
Die leerders word voorberei om hul argumente in voorgeskrewe onderwerpe deeglik te beredeneer, hulself voor te berei en duidelik voor te dra. In die onvoorbereide afdeling kry hulle hul onderwerpe by aankoms waarna 'n voorgeskrewe voorbereidings- en leweringstyd geegee word.

Aktiwiteite gedurende die jaar:
Redenaars vind plaas aan die einde van Maart, die semi-finaal is in Mei en die finaal in Augustus.
Vanjaar bied Parel Vallei die ATKV- streeksredenaarskompetisie en die semi-finaal by Parel Vallei aan.

Ideale:
Om elke jaar meer leerders aan hierdie aktiwiteit bloot te stel en te laat deelneem.

Bywoningsbeleid :
Dit is die leerders se vrye keuse om deel te neem. Aan die begin van die jaar probeer ons om die juniors wat in die laerskool deelgeneem het te betrek. Omdat die kompetisie by die Hoërskool Parel Vallei aangebied word, bied dit aan baie ander leerders die geleentheid om as voorsitters, tydhouers en puntehouers op te tree. Dit stel dus meer leerders bloot aan hierdie aktiwiteit.

Kontakbesonderhede:
Mnr W. Steenkamp
wsteenkamp@pvallei.co.za

Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013