60 - 
		Array
(
    [0] => Array
        (
            [img] => our_school_main-banner_11-19.jpg
            [url] => 
        )

)
School Video

Die Beheerliggaam

Parel Vallei se nuutverkose Beheerliggaam

Baie geluk aan die nuutverkose Beheerliggaam! Mag julle die nodige wysheid en insig ontvang om die ouers, leerders en onderwysers van ons skool te lei na uitnemendheid in die veranderende wêreld waarin ons leef.

Weet dat ons julle ondersteun en trots is daarop dat julle dié groot taak met baie ywer sal aanpak.

Agter, van links: Richard McNally (nie-opvoeder), Darryl Spijkers (opvoeder), Paul Botha, Dawie Malan, Werner Kleinschmidt (tesourier), ds. Greg Blair (onder-voorsitter), Megan Mol (hoofdogter).
Voor:  Lindie Strydom, Linda van der Merwe (opvoeder), David Schenck (skoolhoof), Johan van der Spuy (voorsitter), Nicola de Jager.
Afwesig: Dylan Janse van Rensburg (hoofseun).

Boodskap van ons voorsitter: Johan van der Spuy

"Uitnemendheid in’n veranderende wêreld"

In die tyd wat dit my geneem het om die opskrif hierbo te skryf, het die wêreld reeds 250 koppies koffie en 70 koppies tee kafgedraf (ja, ek het dit gegoogle!). Wat meer kommerwekkend is, is dat daar ook intussen omtrent 10 ton afval in die wêreld se oseane beland het en teen die tyd dat ek die skrywe voltooi het, sal dit waarskynlik gestyg het tot meer as 1000 ton. Die oplossing sal seker wees om vinniger te skryf!

Die feit van die saak is dat die wêreld besig is om te verander en teen ‘n vinnige spoed. Ons sien daagliks die toevoeging van nuwe tegnologie in ons lewens. Selfone het ‘n noodsaaklikheid geword en dit word as vanselfsprekend beskou dat elke huis internettoegang het. Waar laat dit ons as Parel Vallei se beheerliggaam? (Dit laat ons toe om ons maandelikse vergaderings aanlyn te hou – om maar een aspek uit te lig -  alhoewel dit egter nie ons eerste keuse sal wees nie.)

Oor die afgelope 35 jaar het Parel Vallei (óns skool) reeds  ‘n indrukwekkende reputasie opgebou. In die proses is daar ‘n elite groep onderwysers en administratiewe personeel wat nie net ons leerders nie, maar ook ons gemeenskap dien.

Hoe moet ‘n mens as skool nou voortgaan om die veranderende wêreld tegemoet te gaan? Gelukkig kon’n mens in 35 jaar nog nie te veel “bagasie” versamel nie so ons skool kan lig en vinnig reis.

Die uitdaging waarvoor ons te staan kom, is om dit wat ons voorgangers opgebou het te gebruik om in te bou in ons idee van Denke,Liggaam en Gees – nie net vir ons leerders nie, maar ook vir ons ouers en die gemeenskap waarin ons leef. Ons skool moet innoverende maniere vind om te verseker dat ons leerders nie agtergelaat word in hierdie vinnig veranderende wêreld nie. Nie al ons leerders gaan noodwendig onderskeidings behaal in die matriek-eindeksamen nie, maar wat daarvan as een van hulle die volgende Suid-Afrikaner kan wees wat in die Weense Staatsopera optree, of die Dakar-tydren wen of die eerste Parel Valleier op Mars is?

Die volgende drie jaar is maar ‘n vervlietende oomblik in die heelal, maar as beheerliggaam sal ons trots wees as ons eendag kan terugkyk en sê dat ons ‘n klein (al is dit ook ‘n miniskule een) bydrae kon lewer tot die opbou van ons skool, tot voordeel van ons leerders en om die gemeenskap op te bou.

So waar eindig die “Blue Thread”? Die antwoord is heel eenvoudig:

Dit eindig nooit nie!

 

  • Boodskap van ons vorige voorsitter

  • Wat ‘n voorreg en eer om deel te wees van die “Blue Thread”-familie en om die tasbare stemming in ons skool te ondervind soos die Parel Vallei-handelsmerk van krag tot krag gaan – ‘n handelsmerk wat werklik ‘n formidabele een word en waarop baie jaloers is!

    Een van die uitsonderlike aspekte van ons skool is die hoeveelheid uiteenlopende geleenthede wat beskikbaar is – diens, kultuur, akademie, sport. Daar is werklik ‘n geleentheid vir elke leerder om betrokke te raak. Dit sal onmoontlik wees om hierdie geleenthede beskikbaar te stel as daar nie uitsonderlike onderwysers (Parel Vallei se kern-uitnemendheid) was nie wat gereeld die mikpunt hoër stel in alles wat hulle doen en in alles wat hulle van hul klasse verwag, .

    Die leerders is die rede en motivering vir die ratte van die groot Parel Vallei-masjien om te bly draai en deurlopend geleenthede tot uitnemendheid beskikbaar te stel, wat, as dit aangegryp word,  vaardighede, herinneringe en selfvertroue skep wat geen geld kan koop nie.

    ‘n Ander groot bate van PV is ons betrokke en passievolle ouers.  U ondersteuning en toegewydheid (van die moeilike, opofferende werk van net ‘n ouer wees om aan u kind te voorsien en hulle aan te moedig om die beste te wees wat hulle kan wees), stel Parel Vallei in staat om die beste vir u kinders terug te gee. Ons salueer u!

    ‘Uitnemendheid in ‘n veranderende wêreld’ … Uitnemendheid word verdien in die oomblik tot oomblik besluite wat onbenullig voorkom, maar met verloop van tyd die saamgestelde (of eksponensiële) gevolg diepsinnig maak .  Hierdie waarheid moedig ons aan om voort te gaan om daagliks daardie klein, wyse keuses te maak wat ons een dag sal toerus om by te dra tot die veranderende en uitdagende wêreld waarin ons leef en dit positief te beïnvloed .

    As ons terugkyk, besef ons dat ons almal begunstigdes is van die wyse keuses en aksies van manne en vroue wat, oor die jare, stadig maar seker, help bou het aan ons skool van uitnemendheid.

    Aan ons vorige Parel Vallei-skoolhoofde, -bestuurspanne, -onderwysers en -beheerliggaamlede: ons is waar ons vandag is as gevolg van julle. Baie dankie!

    Die huidige beheerliggaam sal voortgaan om op hierdie omgewing van uitnemendheid te bou en dit te koester met die beste belang van Parel Vallei en al die leerders  in gedagte. Dit is vir my ‘n groot voorreg om met so ‘n professionele en toegewyde span te werk en om die geleentheid te hê om een van die beste skole in Suid-Afrika op hierdie manier te dien. 

    Blue Thread-groete.

    Bruce van Rensburg



Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013