Parel Vallei High School

RUGBY

GESKIEDENIS:
Rugby is by PV gespeel al van die skool se beginjare af en het elke jaar stadig gegroei …
In 2014 word ‘n bestuursbesluit geneem om meer op rugby te fokus en om dit op dieselfde vlak as al die ander aktiwiteite in die skool te bring. Die eerste stap was om die regte persoon aan te stel om hierdie nuwe droom te verwesenlik en so het die soektog begin…
Dit was toe mnr Thinus Pienaar by die skool aankom dat ‘n rugbypassie gevoel kon word en binne ‘n paar weke word hy aangestel as die nuwe hoof van rugby vanaf November 2014.
Eerstens het hy ‘n ten volle funksionele rugby- organisasiestruktuur en -basis geïplementeer wat aansluit by die skool se missie, deur ‘n gebalanseerde opvoeding wat deur goeie vertonings en ‘n uitslag-aangedrewe sportprogram bereik word. Parel Vallei Rugby streef daarna om individuele talent te voed en te ontwikkel in ‘n arena wat spanwerk, sportmanskap, respek, dissipline en nederigheid bevorder.

SLEUTELDOELWITTE IS UITGESPEL VIR FASE 1:
• Na-seisoen oefenprogramme
• Voor-seisoen krag- en-kondisioneringsfase.
• Ouerkomitee vir rugby gekies en aan die werk.
• Daar is met alle afrigters onderhoude gevoer en hulle is op meriete gekies voordat hulle by spanne geplaas is.
• Daar word gereeld ervare plaaslike en internasionale gasafrigters genooi om hul rugbykennis te kom deel.
• Voor-seisoen motiveringsessies.
• Spanboukampe vir spelers en hul pa’s.
• Die koőrdinering van afrigterskwalifikasies en die fasilitering van afrigtingskursusse.
• Groot kontantborgskappe vir nuwe rugbytoerusting vir almal.
• Gereelde rugbykomitee, -afrigter en individuele spelervergaderings.
• Die vennootskap met ‘n rugby-analise sagtewaremaatskappy vir akkurate statistieke om ons wedstrydplan te verbeter.
• ‘n Intense bemarkingsveldtog gemik op die verwing van laerskoolspelers.
• Die vestiging van ‘n nuwe rugby-ingesteldheid en -benadering in die skool om ‘n PV Rugby-eenheid te vorm.
• En laaste, maar nie die minste nie: absolute vertroue, geloof en harde werk!
Ons is verheug om aan te kondig dat ELKEEN van hierdie doelwitte hierbo genoem, nagekom en bereik is. Die rugbyprogram het uitgebrei van 6 spanne in 2104 tot 9 spanne in 2016!

PRESTASIES:
Toernooie gespeel:
KWAGGA-week 2015/2016 (onder 14/15).
SCST Onder 19 Rugbyweek 2015/16.

Toprugbyspelers wat PV opgelewer het (tot op datum):
Hayden Groepes (SA- Rugby 2015/6).
Cwengile Jadezweni (SARU-paneelskeidsregter).

Prestasies van 2015:
Ons eerste jaar (2015) het op ‘n hoë noot geëindig met ‘n #54 op die landswye ranglys in Suid-Afrika! #23 op die Ko-Ed-ranglys! Dit volgens ‘n vooraanstaande SA Skolesport webtuiste! Om meer hieroor te lees:
http://www.saschoolsports.co.za/rugby/national/rugby-the-combined-rugby-rankings-for-2015.html
Ons tweede jaar lyk so volgens die ranglys:
PV onder 14 – #62 op ranglys
PV onder 15 – #53 op ranglys
PV onder 19 – #76 op ranglys
Die nuwe BLOU DRAAD van trots in PV Rugby het merkwaardige resultate opgelewer in net onder die twee jaar! Dink net watter groot hoogtes lê nog voor.
Prestasies van 2016:
Die mees suksesvolle seisoen tot op datum, in die Höerskool Parel Vallei se kort rugbygeskiedenis! Die ranglys van SA School Sports National Rugby ondersteun hierdie stelling en bevestig ‘n opwaartse beweging in prestasie en uitslae oor die hele spektrum, met die Bulldog-eerste vyftiental wat die kroon span op nr. 29 in Suid-Afrika.

Hier volg die ander ouderdomsgroepe op die SASS-ranglys:
O.14A: nr. 54
O.15A: nr. 46
Ons vyfjaartransformasieplan om Parel Vallei op die rugbykaart te plaas en die skool as ‘n krag in skolerugby in die Wes-Kaap te vestig, is op koers, selfs ‘n bietjie voor! Veral na die vrystelling van die nasionale posisies op die bekende hoërskole-rugbywebtuiste, Ruggas.co.za. PV is nr. 33 op die lys van die Top 50 rugbyskole in Suid-Afrika!

AKTIWITEITE GEDURENDE DIE JAAR:
Toernooie waaraan ons elke jaar deelneem:
Boland Landbou Rugbydag - Paarl
WBHS Rugbyfees – Wynberg Boys High, Kaapstad.

Die bekendstellingsbraai:
Voordat die seisoen afgeskop het, het al die spelers, afrigters en ouers ‘n vleisbraaiery gehou waar doelwitte vir die komende jaar gestel is, om te sosialiseer en net lekker pret saam te hê.
Die hoogtepunt van die jaar : die kamp vir spelers en hul pa’s in Maart!

IDEALE:
Ons strewe daarna om ons rugbyspelers te leer om te alle tye ambassadeurs op en langs die veld te wees!
Daar is uitgebreide toekomsbeplanning en voorbereiding agter die skerms aan die gang om te verseker dat ons ons langtermyndoelwitte en aspirasies bereik.
Mnr Pienaar: “As daar ooit ‘n tyd was wat ek oortuig was dat ons eendag – binnekort - op die land se Top 20-ranglys kan verskyn, dan is dit nou!”
‘n Groot dankie van die hoof van rugby:
Ons wil graag elke ouer van elke seun bedank wat deelneem aan PV Rugby. Die toestemming wat u verleen het en u vertroue om u seun te ontwikkel word hoog op prys gestel en onderskryf die bloudruk van hierdie program.
Aan ons toegewyde rugbyouerkomitee die grootste dank van almal. Die getroue ondersteuning van die komitee en die organisasie van verskeie suksesvolle sosiale funksies deur die rugbyma’s en -pa’s is wat uiteindelik die omvang van toekomstige suksesse sal bepaal.
Bly glo in die toekoms van PV Rugby en hou aan om u seun se rugbyreis te ondersteun.
Die aandag, omgee en liefde sal, met tyd, in ons uitslae reflekteer. Ondersteun ons visie en missie. Laat ons altyd onthou dat die wedstryd groter is as enigeen van ons: speler, ouer of afrigter.

KONTAKBESONDERHEDE:
Hoof van Rugby:
Mnr. Thinus Pienaar
tpienaar@pvallei.co.za