Parel Vallei High School

135 -

		Array
(
    [0] => Array
        (
            [img] => body-june18.jpg
            [url] => 
        )

)

Skaak

Die geskiedenis van PV-skaak gaan al meer as 30 jaar terug. Stukkie vir stukkie het die sport gegroei en tans het ons drie spanne wat in die ligas ingeskryf is; ook heelwat sosiale spelers geniet die antieke sport. Ons is trots daarop dat ons gereeld so goed doen in ligawedstryde, sodat ons genooi is om deel te neem aan topskooltoernooie.

By PV glo ons in die voordele van dié sport en motiveer spelers om skaak te speel, al is dit sosiaal, want skaak verbeter konsentrasie en geheue, versterk lees en wiskundige vaardighede, kweek logiese en kritiese denke en harde werk.

ONS MEES ONLANGSE PRESTASIES:

die PV-skaakspan het al twee vroulike SA-spanspelers gehad: Isabel Micklem en Michelle Fisher wat gesamentlik derde gekom het in die SA Senior Geslote Kampioenskappe in 2014.
Nico Olivier is genooi om in die SA Skole nasionale toernooi te speel gedurende Julie 2016 in Durban
PV se O.15-span is derde in die 2016 Distrik-Oos Topskoleproewe
PV se O.18-span is tweede in die 2016 Distrik-Oos Topskoleproewe
PV se dogterspan is eerste in die Distrik-Oos Topskoleproewe

2018:
Joel Lee (O.18) en sy broer, Dafydd Lee (O.15) word albei gekies om die skaak WP-span te verteenwoordig gedurende die Suid Afrikaanse skaak-kampioenskappe in Desember.
Albei PV se O.18- en O.15-spanne eindig bo in die liga asook in die Distrik-Oos Topskole-divisie.
Albei dié spanne word uitgenooi na die Topskole-toernooi en is daarna deur na die finale vlak in die provinsie – die Weskaap toernooi. Hier eindig die O.15-span 7de en die O.18-span 6de in die provinsie.

AKTIWITEITE GEDURENDE DIE JAAR:

die PV-skaakspanne oefen elke Woensdag van 14:30 – 16:00
ligawedstryde word op Vrydagmiddae in die winter-kwartale gespeel
spelers word aangemoedig om deel te neem aan ope toernooie wat op die volgende webtuistes geadverteer word: http://wcschess.co.za/ and www.chessa.co.za/
ons bied gereeld afrigtingsklinieke aan en alle spanspelers kry die kans om deel te neem aan ope WP-proewe wat jaarliks gedurende Februarie plaasvind.

IDEALE:

Ons streef voortdurend daarna om puik afrigting aan al ons skaakspelers te verskaf sodat hulle hul volle potensiaal kan bereik. Ons streef daarna om aan alle spanne maksimum blootstelling aan wedstryde te gee en sportmanskap aan te leer - of daar gewen of verloor word.

KONTAKBESONDERHEDE:

Kontakbesonderhede: Mr. Wernhard van Rooyen - wvanrooyen@pvallei.co.za

Tydens 'n baie belangrike strategiese sessie in 1997 het die personeel, bestuur en beheerliggaam met erns die toekoms van ons skool beplan.

Na baie sinvolle gesprek en beraadslaging het ons tot die gevolgtrekking gekom dat ons 'n tyd van groot verandering tegemoetgaan. Ons was op die drumpel van die bekendstelling van UGO (Uitkomsgebaseerde Onderwys) en het besef dat die een konstante in die toekoms verandering sal wees!

Ons was reeds baie trots op ons akademiese uitnemendheid en het hard gewerk om sport en kultuur tot op dieselfde vlak as die akademie te bring. Rondom die tafel het ons ons visie vir die toekoms neergepen "Uitnemendheid in 'n veranderende wêreld"

Sedert daardie baie belangrike besprekings is ons oneindig trots om te kan sê dat ons werklik uitnemendheid bereik in ons immer veranderende omgewing.

Sowat 10 jaar gelede het ek en my vrou 'n verhoogproduksie bygewoon van die musiekblyspel 'Evita' wat die lewe van Evita Peron, vrou van die voormalige president van Argentinië, uitbeeld. Tydens die produksie sê Evita in 'n baie uitdagende oomblik 'Ek is trots om 'n Argentyn te wees.

Daardie tyd by die skool het ek gewonder oor maniere waarmee ek 'n trots in die skool kon ontketen. Hoewel baie van ons leerlinge oor geweldige talent beskik, het hulle dikwels ontbreek aan vertroue en was byna te bang om trots in hulself of hul skool te wys. Ek het Evita se woorde geneem en ons eie naam ingevoeg en so uitgekom by “Trots om 'n Parel Valleier te wees”. Ek het die leerders gemotiveer en aangemoedig om die konsep hul eie te maak en trots te wees in hulself en in wat hulle doen, maar sonder om arrogant te wees.

Ons het ook begin om hierdie slagspreuk te gebruik as voetnota op al ons uitgaande pos en op ons briefhoofde. Interessant genoeg, sommige van die graad 8's, wanneer hulle die vraag beantwoord in hul klein toets oor die leuse van die skool, sê dat, 'Trots om 'n Parel Valleier te wees' is die skool se leuse in plaas van die werklike leuse 'Sapientia et intellegentia. ' Mag hierdie slagspreuk lank leef in die harte en gedagtes van ons leerders en kan mag hulle altyd trots voel om 'n Parel Valleier te wees.

Ettienne Gouws
2013