Sport

LIGGAAM

Leerders kry die geleentheid om hul volle fisiese potensiaal te ontdek en te ontwikkel

By Parel Vallei het ons uitstekende fasiliteite opgebou vir die verskillende sportsoorte wat ons aanbied. Leerders word aangemoedig om aan ten minste een somer- en een wintersport deel te neem. Interaksie met hul spanmaats en teenstanders stel hulle in staat om fisies sowel as sosiaal te ontwikkel. Ons glo ook dat hulle deur middel van sport hul sterk punte kan identifiseer en dit tot voordeel van die span waarin hulle speel, kan gebruik. Die beroepswêreld benodig jong mense wat in staat is om in te skakel in spanne en tot ‘n gemeenskaplike doel kan werk. Ons glo sportdeelname kan dit bevorder.

Atletiek

Mens kan die PV Blue Thread van uitnemendheid raaksien in die prestasies van verskeie atlete wat reeds vir WP en Boland uitgedraf het, en selfs medaljes by die SA-kampioenskappe gewen het.

Skaak

Stukkie vir stukkie het die sport gegroei en tans het ons drie spanne wat in die ligas ingeskryf is; ook heelwat sosiale spelers geniet die antieke sport.

Krieket

Die skool se krieketgeskiedenis begin in Januarie 1987 met een verteenwoordigende span in die WP-Skoleliga en Fanie Janse van Rensburg as afrigterspionier. Nou, bestaan die program al uit ses spanne.

Fietsry

Die speke is al vanaf 2009 aan die sing by Parel Vallei. Die span het begin deurdat een van PV se gewese juffrouens, Hanri Dalton slegs ‘n handjievol leerders die bergfietsroetes in die Helderberg-omgewing gaan wys het.

Gholf

PV gholf slaan af in 2001 en word van die begin erken as ‘n volwaardige skoolsport. Talle provinsiale spelers is al opgelewer en die skool beloon gholfpresteerders met die toekenning van kleure en erekleure. PV geniet die volle ondersteuning van die Somerset-Wes gemeenskap en dit is ‘n groot voorreg vir ons spelers om hierdie sportsoort gratis te mag beoefen by die Somerset-Wes gholfbaan.

Dogtershokkie

Ons 1ste dogtershokkiespan neem jaarliks deel aan ‘n aantal gesogte feeste en toernooie, insluitend die Greg Belling-fees in Oos-Londen, die St Mary’s Kloof-toernooi, en die Kaapstad Internasionale Toernooi.

Seunshokkie

By Parel Vallei Hoërskool is dit ons missie om mededingende, vaardige en toegewyde spelers te ontwikkel met ‘n werklike passie vir die spel.

Netbal

Netbal word vanaf die skool se bestaan aangebied en het oor die jare sterk gegroei. Ons het tans meer as 180 dogters wat aan dié sport deelneem.

Rugby

Rugby is by PV gespeel al van die skool se beginjare af en het elke jaar stadig gegroei. Parel Vallei Rugby streef daarna om individuele talent te voed en te ontwikkel in ‘n arena wat spanwerk, sportmanskap, respek, dissipline en nederigheid bevorder.

Muurbal

Muurbal by Parel Vallei het in die negentigerjare onder leiding van mev Judy Cawood begin, daar was aanvanklik net seunspanne. Mevrou Sue van der Merwe het kort daarna die dogters begin afrig.

Swem

Me Marelise Kuhn (hoof van swem by PV) het van die beginjare van die skool aan die diepkant ingespring en die Hoërskool Strand en die Hoërskool Hottentots-Holland genader sodat PV deel kon raak van hul swem Interskole-kompetisie in die Helderberg-kom.

Tennis

Parel Vallei het die afgelope tyd uitstekende uitslae gelewer op die tennisbaan en Parel Valleiers het rede om opgewonde te wees oor tennis by die skool. PV se tennis word gekenmerk deur absolute spangees, pret, entoesiasme en nasionale en internasionale prestasies.

Landloop

Landloop word reeds sedert die vroeë jare van ons skool se ontstaan aangebied. Leerders word voortdurend aangemoedig om hul tye te verbeter deur deeglike voorbereiding en afrigting.